Қаржы алаяқтары ерекше белсенділік танытады. Олар үнемі алдаудың жаңа схемаларын ойлап табады. Сондықтан, өте сақ болу және келесі қауіпсіздік ережелерін сақтау қажет:

1. Өз компьютеріңіз бен мобильдік құрылғыларыңыздың қауіпсіздік қызметтерін пайдаланыңыз: вирусқа қарсы қорғаныс, күрделі құрама парольдер, компьютерде немесе мобильдік құрылғыда жеке деректерді ашық түрде сақтамаңыз;
2. Жеке деректерді интернетте жарияламаңыз: форумдарда, әлеуметтік желілерде және т.6.;
3. Өздерін қаржы ұйымдарының қызметкерлері деп таныстыратын бейтаныс адамдардың қоңырауларына сенбеңіз, оларға жеке деректеріңізді, әсіресе PIN-кодты, CVV/CVC-кодты (картаның артқы жағындағы үш таңбалы нөмір) айтпаңыз;
4. Белгісіз және күдікті мекенжайлардан алынған электрондық хаттарды ашпаңыз, электрондық пошта, әлеуметтік желілер немесе SMS арқылы жіберілген күмәнді көздерден келген сілтемелер бойынша өтпеңіз;
5. Егер сіз онлайн-сатып алуды жиі жасасаңыз, онда интернет-сатып алу үшін жеке карта (мысалы, виртуалды карта) арнағаныңыз дұрыс;
6. Онлайн сатып алудан бұрын, сіз кірген сайттың шынымен интернет-дүкенге тиесілі екеніне және оның мекенжайы http:// емес, https://-тен басталатынына көз жеткізіңіз;
7. Төлем карталарыңызға SMS-немесе PUSH-хабарламаларды қосыңыз
8. 3D-secure функциясын ешқашан өшірмеңіз;
9. PIN-кодтарды карточкалармен бірге сақтамаңыз және оларды ешкімге жарияламаңыз. Банк карталарын үшінші тұлғаларға (тіпті туыстарына), соның ішінде кафелер мен мейрамханаларда төлем жасау үшін бермеңіз;
10. Банктік аккаунттарға кіру үшін ашық Wi-fi кіру желілерін пайдаланбаңыз;
11. Карта жоғалған жағдайда, банктің жедел желісіне қоңырау шалып, оны дереу жауып, барлық операцияларды тоқтатыңыз, сондай-ақ, шоттарды бұғаттау мақсатында қысқа мерзімде Банк бөлімшесіне барған жөн.

• Мынадай жағдайларда:

1. Өз шоттарыңызда әдеттен тыс белсенділікті байқаған болсаңыз;
2. Өз шоттарыңызға қашықтан қол жеткізе алмасаңыз;
3. Картаңызды қызмет көрсетуге қабылдамайтын болса переу банкке хабарласыңыз.

• Қосымша оқу материалдары FinGramota білім беру медиа порталының веб-сайтында және FinGramota Youtube арнасында қолжетімді.