Сейфтер

Банкте сейфтердің үш өлшемі бар:

• Кіші: 450×245×80 мм.
• Орташа: 450×245×140 мм.
• Үлкен: 450×245×450 мм.

Сейф ұяшығының әрбір өлшемді түрін жалға алу құны әртүрлі, тарифтерді төмендегі жауапта көрсеттік.

Комиссия теңгемен көрсетілген.

Кіші сейф

• 1 күн — 500
• 1 ай — 4 000
• 3 ай — 9 000
• 6 ай — 15 000
• 9 ай — 23 520
• 12 ай — 28 000

Орташа сейф

• 1 күн — 1 000
• 1 ай — 5 600
• 3 ай — 14 200
• 6 ай — 27 000
• 9 ай — 40 500
• 12 ай — 47 000

Үлкен сейф

• 1 күн — 1 500
• 1 ай — 9 000
• 3 ай — 24 000
• 6 ай — 40 000
• 9 ай — 58 000
• 12 ай — 75 000

Сейф ұяшықтарын жалға алу тарифтерімен толығырақ Банк сайтында, «Құжаттар» → Жеке тұлғаларға → Тарифтер → «Жеке тұлғаларға көрсетілетін қызметтерге, оның ішінде төлем карталары бойынша банктің комиссиялық сыйақы тарифтері» бөлімінде танысуға болады. Құжат PDF форматында ашылады.

Сейф ұяшықтарын жалға алудың барлық шарттарын үйрену үшін Банк сайтындағы «Құжаттар» бөлімін ашыңыз → Жеке тұлғаларға → «Фридом Банк Қазақстан» АҚ-та операцияларды жүргізудің және банктік шоттар мен төлем карталарын ашудың, жүргізудің, жабудың жалпы шарттары. Құжат PDF форматында ашылады.

Сіз өзіңіздің сейф ұяшығыңызға оны жалға алған Банк бөлімшесінің жұмыс уақыты кезінде өте аласыз. Дәл осы бөлімшенің жұмыс уақытында келіңіз және демалыс пен мереке күндерін ескеруіңізді сұраймыз.

Банк бөлімшелерінің жұмыс кестесін сайттағы «Офистер» бөлімінен әрқашан қарай аласыз.

Сейф ұяшығын жалға алу мерзімін Банк бөлімшесінде ұзартуға болады.

Осы әрекетті шарт аяқталатын күнге дейін жасауға кеңес береміз: егер одан кейін хабарлассаңыз, банк тарифтеріне сәйкес мерзімі өткен әрбір күнтізбелік күн үшін комиссия төлеу қажет болады. Назар аударыңыз, тарифтер өзгеруі мүмкін. Мерзімі өткен кезеңде сақтау комиссиясын Банк сіз өтініш берген сәтте қолданыста болған тарифтерге сәйкес есептейді.

Егер сіз сейф ұяшығын жалға алу мерзімін уақытында ұзартпасаңыз, Банк оның ішіндегісін 3 ай бойы сақтауды жалғастырады. Бұл ретте мерзімі өткен әрбір күн үшін Банк тарифтеріне сәйкес комиссия ұсталады. Егер 3 айдан кейін Банкке хабарласпасаңыз, бөлімше қызметкерлері ұяшықтарды мәжбүрлі түрде ашады да, ішіндегісін тізімдейді және бөлімшенің қоймасына орналастырады. Сіздің мүлкіңізді қоймада сақтау комиссиясы күніне 300 теңгеге тең болады.

Егер негізгі кілт жоғалса немесе сынса, бұл туралы ұяшықты жалға алған Банк бөлімшесіне хабарлаңыз. Біздің қызметкерлер жаңа кілтті жасау үшін бөлімшедегі сейф депозитарийіне қызмет көрсететін серіктеске хабарласады.

Біздің барлық серіктестеріміз кілттердің телнұсқасын жасай бермейді. Егер бөлімше серіктесінде осындай қызмет болмаған жағдайда, құлыпты ауыстыру қажет болады. Бұл қызметтердің құнын ұяшықты жалға алған Банк бөлімшесінен білуге болады.

Сенімді тұлғаңыз үшін кілттің телнұсқасы қажет болған жағдайда да, өзіңіздің Банк бөлімшесіне хабарласыңыз.

Банк нотариуспен куәландырылған сенімхат негізінде үшінші тұлғаға ұяшыққа бару үшін өз рұқсатын береді. Сенімхатта сенімді тұлғаңызға беретін өкілеттіктерді нақты жазу қажет. Мысалы: сейф ұяшығын ашу, одан құндылықтарды алу, сейф ұяшығына жаңа құндылықтарды салу, шарттың мерзімін ұзарту, шартты жабу және тағы басқалар.

Сейфті жалға алу шарты мерзімінен бұрын бұзылған кезде Банк сіз толық мерзім үшін төлеген комиссиялық сыйақы сомасын қайта есептемейді және қайтармайды. Бұл үлгілік жалға алу шартында көрсетілген.

Банк келесі жағдайларда сіздің қатысуыңызсыз сейф ұяшығын мәжбүрлі түрде ашуға құқылы:

• егер ұяшықта сақтауға тыйым салынған заттар болса;
• егер сейф ұяшығын пайдалану ережелері бұзылған болса;
• егер жалға алу аяқталған күннен кейінгі күннен бастап үш ай өтсе, бірақ жалға алушы не оның сенімді тұлғасы, не өкілі, не мұрагерлері Банк бөлімшесіне келмесе;
• егер Банк соттан, уәкілетті мемлекеттік органнан немесе жеке сот орындаушысынан құжаттар алса — Қазақстан заңнамасына сәйкес олар сейф ұяшығының ішіндегісін мәжбүрлеп алып қою туралы шешім қабылдауға құқылы;
• егер Банкте өрт, жер сілкінісі немесе басқа да табиғи апат болса;
• Қазақстан заңнамасымен қарастырылған басқа да жағдайларда.

Иә, Банк шартты келесі себептерге байланысты бұза алады:

• жалға алушы қайтыс болды немесе хабар-ошарсыз кетті;
• шарт тараптардың келісімі бойынша мерзімінен бұрын тоқтатылды.